«Արմավիր» ՔԿՀ-ի կալանավորի համար բերված սառնարանից հայտնաբերվել է 10 բջջային հեռախոս

2021 թվականի հոկտեմբերի 5-ին՝ ժամը 13:30-ի սահմաններում, Հայաստանի Հանրապետության արդարադատության նախարարության «Արմավիր» քրեակատարողական հիմնարկի ծառայողները, իրացնելով Ծառայության կենտրոնական մարմնի օպերատիվ բաժնի ծառայողների կողմից ստացված օպերատիվ տվյալները, զննության են ենթարկել քաղաքացի Գ. Պ.-ի կողմից կալանավորված անձ Ա. Կ.-ի անվամբ որպես հանձնուք բերված սառնարանը:

ՔԿԾ-ից հայտնում են, որ զննության արդյունքում սառցախցիկի վերին հատվածում պատրաստված թաքստոցից հայտնաբերվել են 10 բջջային հեռախոս, բջջային հեռախոսի 4 լիցքավորման լար և 3 բաժանորդային քարտ:

Փաստի առթիվ նախապատրաստվում են նյութեր: