Կոտրել էր կայանված «Նիսանի» ապակին եւ գողացել դրոնը. Պարզվել էր, որ եւս 3 նման գողություն է արել

Հոկտեմբերի 7-ին, ժամը 10.00-ին, ոստիկանության Մաշտոցի բաժնում հաղորդում է ստացվել, որ հոկտեմբերի 6-ի ժամը 23.00-ից հոկտեմբերի 7-ի ժամը 09.45-ն ընկած ժամանակահատվածում կոտրել են Մարգարյան փողոցում կայանված «Նիսան» ավտոմեքենայի ապակին և գողացել դրոնը:

Ոստիկանությունից  հայտնում են, որ ոստիկանության Մաշտոցի բաժնի ծառայողների ձեռնարկած միջոցառումների շնորհիվ պարզվել է, որ գողությունը կատարել է Ռոստոմյան փողոցի բնակիչ 30-ամյա տղամարդը: Նա հայտնաբերվել, բերման է ենթարկվել ոստիկանության Մաշտոցի բաժին և տվել խոստովանական բացատրություն։

Գողոնն առգրավվել է:

Տղամարդը ոստիկաններին հայտնել է, որ Աջափնյակ համայնքում ավտոմեքենաներից կատարել է ևս 3 գողություն։

Հանցադրվագներից մեկը կատարվել էր սեպտեմբերի 11-ին, որի վերաբերյալ ոստիկանության Մաշտոցի բաժնում տուժողից հաղորդում էր ընդունվել։ Տղամարդը Մարգարյան փողոցում կայանված «Ֆոլքսվագեն» ավտոմեքենայի սրահից բջջային հեռախոս և փող էր գողացել։

Կատարվում է քննություն։