Խաչատուր Սուքիասյանի եղբայրը 50 միլիոն գրավի դիմաց ազատ է արձակվել
Իրավունք
Երևանի ընդհանուր իրավասության դատարանը, դատավոր Վաչե Մարգարյանի նախագահությամբ, օրերս բավարարել է ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանի եղբորը՝ Ռոբերտ Սուքիասյանին, գրավի դիմաց ազատ արձակելու մասին միջնորդությունը։ Այս մասին ԼՈՒՐԵՐ․com-ի հետ զրույցում ասաց Սուքիասյանի պաշտպան Գոռ Միքայելյանը։
Նա նշեց, որ գրավի չափ սահմանվել է 50 մլն դրամը․ «Գրավի գումարն ամբողջությամբ արդեն իսկ փոխանցվել է դատարանի դեպոզիտ հաշվին։ Պարոն Սուքիասյանն ազատության մեջ է», - նշեց փաստաբանը։
Հիշեցնենք՝ հուլիսի 18-ին Ամիրյան փողոցում կրակոցներ էին հնչել, ինչից հետո «Արմենիա» բժշկական կենտրոն բուժօգնության էր դիմել 1979թ. ծնված ԱՄՆ մի քաղաքացի՝ ոտքի շրջանի հրազենային վնասվածքով։
Ըստ քննչական կոմիտեի՝ պարզվել էին դեպքի հանգամանքները, ենթադրյալ հանցագործությունը կատարած անձի ինքնությունը, որը Երևանի բնակիչ Ռոբերտ Սուքիասյանն է։ Նրան մեղադրանք էր առաջադրվել՝ ՀՀ քրեական օրենսգրքի 258-րդ հոդվածի 4-րդ մասով:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
