Շաքարային դիաբետի այդ ձևն անհամատեղելի է կալանքի հետ. Արմեն Չարչյանի պաշտպան
Իրավունք
Երեւանի ընդհանուր իրավասության դատարանի՝ Ավան եւ Նոր Նորք նստավայրում՝ նախագահությամբ դատավոր Վահե Միսակյանի, այսօր՝ նոյեմբերի 1-ին, «Իզմիրլյան» Բժշկական կենտրոնի նախկին տնօրեն, «Հայաստան» խմբակցության պատգամավոր, պրոֆեսոր Արմեն Չարչյանի գործով հրատապ դատական նիստ է հրավիրվել։
«Հրատապ նիստը հրավիրվել է զուտ տեխնիկական հարցը լուծելու՝ բժիշկներին որպես փորձագետ ճանաչելու ընթացքը պետք է ապահովել, հետևաբար տվյալ պայմաններում պարոն Չարչյանի մասնակցությունը իրենից իմպերատիվ բնույթ չի ենթադրում»,-լրագրողների հետ զրույցում նշեց Արմեն Չարչյանի պաշտպան Էրիկ Ալեքսանյանը:
Խոսելով Չարչյանի առողջական վիճակից՝ Ալեքսանյանը նշեց.
«Իր առողջական վիճակը մնում է նույնը, ոչ մի փոփոխություն դեպի լավը տեղի չի ունեցել: Ինչպես գիտեք պարոն Չարչյանի մոտ ախտորոշված է շաքարային դիաբետի ծանր ձևը և նա մինչ օրս 100-ից ավել ինսուլին է ստանում: Մենք բազմիցս պնդել ենք, որ այդ քանակության միավոր ինսուլին ստանալը և առհասարակ շաքարային դիաբետի այդ ձևը անհամատեղելի է կալանքի հետ, ոչ մի փոփոխություն, ըստ էության, չի կատարվել»:
Դիտարկմանը, թե ինչ ակնկալիքներ ունի, պաշտպանը նշեց. «Ցանկություն ունեմ դեպի դրական ընթացքի, բայց որևէ կանխատեսում անել չեմ կարող»:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
