Ինչ պատիժ սահմանվեց Առուշ Առուշանյանի նկատմամբ

Քիչ առաջ դատարանն Առուշ Առուշանյանին մեղավոր ճանաչեց ՔՕ 308-րդ հոդվածի 1-ին մասով և որպես պատիժ նշանակեց ՏԻՄ-երում ղեկավար պաշտոն զբաղեցնելու իրավունքից զրկելը՝ 5 տարի ժամկետով։

Առուշանյանը մեղավոր ճանաչվեց նաև ՔՕ 322-րդ հոդվածի 2-րդ մասով ու նրա նկատմամբ պատիժ նշանակել տուգանք՝ նվազագույն աշխատավարձի 700-ապատիկի չափով։

Առուշանյանը մեղավոր ճանաչվեց ՔՕ 113-րդ հոդվածի 2-ր մասի 3-րդ ու 6-րդ կետերով ու նրա նկատմամբ պատիժ նշանակվեց ազատազարկում՝ 1 տարի 3 ամիս ժամկետով։ ՔՕ 69-րդ հոդվածով սահմանված կարգով Առուշանյանի նկատմամբ ազատազրկմամբ նշանակված պատժի մեջ հավելվեց արգելանքի տակ գտնվելու ժամկետը՝ 8 ամիս 12 օրը և վերջնական ժամկետ թողնվեց 6 ամիս 18 օր ժամկետը։

Արդյունքում նշանակված պատիժները գումարվեցին ու Առուշ Առուշանյանի նկատմամբ վերջնական պատիժ նշանակվեց ազատազրկում՝ը 6 ամիս 18 օր ժամկետով, տուգանք՝ նվազագույն աշխատավարձի 700-ապատիկի չափով և ՏԻՄ-երում ղեկավար պաշտոն զբաղեցնելու իրավունքից զրկելը՝ 5 տարի ժամկետով։

ՔՕ 70-րդ հոդվածով սահմանված կարգով Առուշանյանի նկատմամբ ազատազրկման ձևով նշանակված պատիժը պայմանականորեն չի կիրառվի, սահմանվեց փորձաշրջան 1 տարի 6 ամիս ժամկետով։

Առուշ Առուշանյանի նկատմամբ որպես խափանման միջոց կիրառվեց չհեռանալու մասին ստորագրությունը՝ մինչև դատավճռի օրինական ուժի մեջ մտնելը։

Որոշում կայացվեց Առուշանյանին ազատ արձակել դատական նիստերի դահլիճից։