Ադրբեջանում ուժայինները ծեծել են ընդդիմադիր ակտիվիստին և խոստացել, որ կբռնաբարեն, եթե նա շարունակի քննադատել իշխանություններին
Իրավունք
«Ապրիլի 21-ին ադրբեջանցի քաղաքական ակտիվիստ Բախտիյար Հաջիևին առևանգել էին քաղաքացիական հագուստով սև դիմակներով ոստիկանները։ Նրան հրելով մեքենա են նստեցրել, գլխին սեւ պարկ հագցրել ու անհայտ ուղղությամբ տարել։ Կպչուն ժապավենով կապել են նրա աչքերն ու ձեռքերը, ականջներին ականջակալներ են դրել, որպեսզի նա չլսի նրանց ձայնը»,- իր ֆեյսբուքյան էջում գրել է ԵՄ-ում Ադրբեջանի նախկին դեսպան, քաղաքական էմիգրանտ Արիֆ Մամեդովը։
«Նրա շորերը հանել են և պահանջել, որ ջնջի ՖԲ-ում ՆԳ նախարարի մասին իր գրառումները։
Բախտիյար Հաջիևին դաժան ծեծի են ենթարկել, վիրավորել և զգուշացրել՝ դադարեցնել իր քաղաքական գործունեությունը և չքննադատել ռեժիմին։
Հակառակ դեպքում սպառնացել են, որ հաջորդ անգամ կբռնաբարեն ու կսպանեն։
Այս արարքը ոչ այլ ինչ է, քան պետական ահաբեկչություն ադրբեջանցի քաղաքական ակտիվիստի նկատմամբ։
Սա առաջին դեպքը չէ, երբ վարչախումբը նման կերպ է վարվում Բախտիյար Հաջիևի նկատմամբ»,- գրել է Մամեդովը` նշելով, որ նման դեպքեր տեղի են ունեցել նաև ադրբեջանցի այլ ընդդիմադիր քաղաքական գործիչների հետ։
«Ես խստորեն դատապարտում եմ Բախտիյար Հաջիևի նկատմամբ այս բռնությունը և կոչ եմ անում կառավարությանը պատասխանատվության ենթարկել մեղավորներին։ Պետք է անհապաղ դադարեցնել ահաբեկչությունը քաղաքական ընդդիմության ակտիվիստների, լրագրողների, բլոգերների նկատմամբ»,- եզրափակել է նա։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
