Գնդապետ Արմեն Հովհաննիսյանի նկատմամբ քրեական հետապնդումը դադարեցվել է, քրգործով վարույթը` կարճվել. փաստաբան

Փաստաբան Արման Թամրազյանը Ֆեյսբուքի իր էջում հայտնում է.

«2020 թվականի հունիս ամսին մի շարք լրատվամիջոցներ հրապարակել էին ՀՀ ազգային անվտանգության Արարատի մարզի վարչության պետ, գնդապետ՝ Արմեն Հովհաննիսյանի կողմից ՀՀ քրեական օրենսգրքի 38-308-րդ հոդվածի 2-րդ մասով, 38-308-րդ հոդվածի 1-ին մասով և 308-րդ հոդվածի 1-ին մասով նախատեսված կոռուպցիոն բնույթի հանրորեն վտանգավոր արարքներ կատարելու և վերջինիս կալանավորման վերաբերյալ տեղեկություններ։ Ցանկանում եմ հանրությանը տեղեկացնել, որ նշված հոդվածների հիման վրա Երևան քաղաքի ընդհանուր իրավասության դատարանի կողմից Արմեն Հովհաննիսյանը կալանավորվել է և շուրջ երեք ամիս գտնվել է կալանքի տակ։ Հարգելի ընթերցող հայտնում եմ նաև, որ քննչական և օպերատիվ մարմիները շուրջ մեկ տարուց ավելի ուսումնասիրել են իմ պաշտպանյալի պաշտոնավարման ողջ ընթացքը, որի արդյունքում կոռուպցիոն կամ այլ անօրինական գործնեություն չեն հայտնաբերել։ 2021 թվականի հուլիսի 6-ին՝ ՀՀ ազգային անվտանգության քննչական դեպարտամենտում որոշում է կայացվել հանցակազմի և հանցագործության դեպքի բացակայության հիմքով Արմեն Հովհաննիսյանի նկատմամբ քրեական հետապնդումը դադարեցնելու, քրեական հետապնդում չիրականացնելու և քրեական գործով վարույթը կարճելու մասին»։