Բերման է ենթարկվել 169 ցուցարար, որից 155-ը՝ Երեւանից. ոստիկանություն

ՀՀ ոստիկանությունը ժամը 14։00-ի դրությամբ բերման է ենթարկել 169 անձի։ Այս մասին ԼՈՒՐԵՐ.com-ի հետ զրույցում հայտնեցին Ոստիկանության լրատվության վարչությունից․ «Ժամը 14:00-ի դրությամբ բերման է ենթարկվել 169 անձ, 155 ցուցարար Երևանից, 6 ցուցարար Արարատի մարզից և 8 ցուցարար Գեղարքունիքի մարզից»։

Հիշեցնենք, որ այսօր՝ վաղ առավոտյան, Երևանի տարբեր հատվածներում ընդդիմության ներկայացուցիչներն ու աջակից քաղաքացիները ճանապարհներ են փակել, իրականացրել անհնազանդության խաղաղ ակցիաներ։