Դատարանը մերժել է Անդրանիկ Փիլոյանին կալանավորելու որոշման դեմ բողոքը. «Փաստինֆո»
Իրավունք
ՀՀ Արտակարգ իրավիճակների նախկին նախարար Անդրանիկ Փիլոյանը կշարունակի մնալ կալանավորված: Վերաքննիչ քրեական դատարանը՝ դատավոր Մնացական Հարությունյանի նախագահությամբ, մերժել է Փիլոյանին կալանավորելու որոշման դեմ բողոքը, «Փաստինֆո»-ին հայտնել է փաստաբան Տիգրան Սարգսյանը:
Փաստաբանը տեղեկացրել է նաև, որ առաջին ատյանի դատարան միջնորդություն է ներկայացվելու՝ Անդրանիկ Փիլոյանի նկատմամբ գրավ կիրառելու մասին, թեև մեծ ակնկալիքներ չկան:
Հիշեցնենք, որ մարտի 30-ին, Հակակոռուպցիոն կոմիտեում քննվող քրեական գործի շրջանակներում ձերբակալվել էր ԱԻ նախարար Անդրանիկ Փիլոյանը։ Դրանից երկու օր առաջ ԱԱԾ-ն խուզարկություն էր իրականացրել ԱԻՆ-ում։
Անդրանիկ Փիլոյանին մեղադրանք էր առաջադրվել ՀՀ քրեական օրենսգրքի 311-րդ հոդվածի 3-րդ մասի 3-րդ կետով (3 դրվագ)՝ խոշոր չափերով կաշառք ստանալու հատկանիշներով:
Եվս 8 անձի մեղադրանք էր առաջադրվել ՀՀ քրեական օրենսգրքի 38-311-րդ, 3112-րդ, 313-րդ, 178-րդ, 38-308-րդ և 34-308-րդ հոդվածների տարբեր մասերով: Հետագայում մեղադրյալների թիվն ավելացել էր, այժմ քրեական գործով մեղադրյալի կարգավիճակում է 20 անձ։ 20 մեղադրյալներից 6-ը, այդ թվում՝ ԱԻ նախկին նախարար Անդրանիկ Փիլոյանը, կալանավորված են, մյուսները ստորագրությամբ ազատ են արձակվել:
Ամենադիտված 
Մնաս բարյավ. Րաֆֆի Հովհաննիսյան
