Վտանգավոր գողություն․ ՀԿԵ-ի չցանկապատված գծահատվածից անհետացել էր 100 հատ մետաղական կոնստրուկցիա
ԻրավունքԴեռևս փետրվարի սկզբին ոստիկանության Իջևանի բաժնում հաղորդում էր ստացվել, որ Տավուշի մարզի Գետահովիտ բնակավայրի հարակից «Հարավկովկասյան երկաթուղի» ընկերության չցանկապատված գծահատվածից գողացել են մետաղական 100 կոնստրուկցիա:
Ընկերությանը պատճառվել էր 360 հազար դրամի վնաս, սակայն տվյալ դեպքում կարևորը ոչ այնքան նյութական վնասն էր, որքան վտանգը, որ նման հափշտակությունները կարող են ստեղծել երկաթուղային երթևեկության համար:
Ապրիլի 14-ին փաստի առթիվ հարուցվեց քրեական գործ, որի շրջանակներում Իջևանի քրեական հետախույզներն իրականացրին օպերատիվ միջոցառումներ, որոնց արդյունքում տեղեկություն ստացան, որ գողությունն արել էր Գանձաքարի բնակիչ, 36-ամյա մի տղամարդ: Մայիսի 4-ին նա բերման ենթարկվեց ոստիկանության Իջևանի բաժին, խոստովանեց արարքը և հավելեց, որ մետաղյա կոնստրուկցիաները վաճառել է մի անծանոթի:
Ձեռնարկվում են միջոցառումներ` գողոնը հայտնաբերելու ուղղությամբ:
36-ամյա տղամարդը ներկայացվել է Տավուշի քննչական վարչություն: Նախաքննությունը շարունակվում է:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
