Կինը գոմաղբի կտորով հարվածել է ամուսնու այտին. գործը դատարանում է
Իրավունք
Չիլե Դ.-ն 2022 թվականի հունվարի 13-ին կենցաղային հարցերի շուրջ իրենց տանը վիճել է ամուսնու հետ: Այս մասին տեղեկանում ենք «Դատալեքս» դատական տեղեկատվական համակարգից:
Վիճաբանության ընթացքում Չիլե Դ.-ն հողաթափով խփել է ամուսնու գլխին, որից հետո ոչխարի չոր գոմաղբի կտորով հարվածել է նրա աջ այտին:
Նշվում է, որ ստացած հարվածների հետևանքով ամուսինը ստացել է գլխի աջ գագաթային շրջանի սալջարդ վերքի և աջ այտի շրջանում քերծվածքի ձևով մարմնական վնասվածքներ:
Գործը վարույթ է ընդունվել 2022 թվականի ապրիլի 20-ին և մակագրվել Արագածոտնի մարզի առաջին ատյանի ընդհանուր իրավասության դատարանի դատավոր Սուրեն Մնոյանին:
Կնոջը մեղադրանք է առաջադրվել քրեական օրենսգրքի 117-րդ հոդվածով (Դիտավորությամբ մեկ ուրիշին մարմնական վնասվածք կամ առողջությանն այլ վնաս պատճառելը, որն առաջացրել է առողջության կարճատև քայքայում կամ ընդհանուր աշխատունակության աննշան կայուն կորուստ):
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ամենադիտված 
Մնաս բարյավ. Րաֆֆի Հովհաննիսյան
