Մարտիրոս Դեմիրճյանը շահել է Ռուսաստանի դեմ գործը

Մարդու իրավունքների եվրոպական դատարանը Ռուսաստանին պարտավորեցրել է 208 հազար եվրո վճարել ոստիկանների կողմից ծեծի ենթարկված վեց դիմողներին` այդ թվում Մարտիրոս Դեմիրճյանին։ Այս մասին հայտնում է «Հանրային դատավճիռը»։

Դատարանը գտնում է, որ Ռուսաստանը խախտել է Կոնվենցիայի 3-րդ հոդվածը՝ «Ոչ ոք չպետք է ենթարկվի խոշտանգումների, անմարդկային կամ նվաստացուցիչ վերաբերմունքի կամ պատժի»՝ մեղադրյալների բոլոր բողոքներով: 

Մարտիրոս Դեմիրճյանը մալուխի գողության կասկածանքով ձերբակալվել էր Սոչիում 2013 թվականին։ Նրան դաժան ծեծի էին ենթարկել, իսկ հետանցքi մեջ երկաթե ձող մտցրել։

«Դեմիրճյանն ուներ ուղեղի ցնցում, գլխի և կրծքավանդակի շրջանում կապտուկներ, ատամների կոտրվածք, հետանցքի միկրո պատռվածք։ Ոստիկանության դեմ հայտարարությամբ նա դիմել է Քննչական կոմիտե, սակայն ի վերջո իրեն սուտ մատնության մեղադրանք է առաջադրվել»,- նշվում է հրապարակային դատավճռում։

Նշենք, որ Ռուսաստանի իշխանությունները կարող են չկատարել Մարդու իրավունքների եվրոպական դատարանի որոշումները, որոնք դատարանը կայացրել է 2022 թվականի մարտի 15-ից հետո, երբ Ռուսաստանի Դաշնությունը հեռացվեց Եվրախորհրդից` Ուկրաինա ներխուժման պատճառով։ Համապատասխան օրինագիծը հունիսի 11-ին ստորագրել է ՌԴ նախագահ Վլադիմիր Պուտինը։