Վրաերթի է ենթարկվել քննչականի պետը (Թարմացված` ֆոտո)

Այսօր՝ դեկտեմբերի 22–ին, վրաերթ է տեղի ունեցել Կոտայքի մարզում։

Ինչպես դեպքի վայրից ԼՈՒՐԵՐ.com–ին, հայտնում է ֆոտոլրագրող Գագիկ Շամշյանը, ժամը 16։00–ի սահմաններում 32-ամյա Արտակ Թադևոսյանը, վարելով «Գազել» մակնիշի 094 ԼԼ 64 համարանիշի մեքենան, Երևան-Սևան ավտոմայրուղու 42–րդ կմ–ում վրաերթի է ենթարկել 54–ամյա Արտավազդ Մարգարյանին, ով մարմնական վնասվածքներով տեղափոխվել է Հրազդանի բժշկական կենտրոն։

Դեպքի վայր են ժամանել ոստիկանության Հրազդանի բաժնի օպերատիվ խումբը՝ Հրազդանի ոստիկանապետ Արմեն Իսրայելյանի գլխավորությամբ։  Ժամանել են նաև ճանապարհային ոստիկանության 2-րդ սպայական գումարտակի, 3-րդ վաշտի աշխատակիցները՝ հրամանատար Արսեն Գրիգորյանի գլխավորությամբ:

Ֆոտոլրագրող Գագիկ Շամշյանը հայտնեց, որ Ա. Մարգարյանին քիչ առաջ տեղափոխեցին Երևան։

Վրաերթի ժամանակ Մարգարյանը եղել է «Մերսեդես 500» մակնիշի 03 ԼՕ 243 համարանիշի ավտոմեքենայով, և երբ ցանկացել է նստել մեքենան՝ վրաերթի է ենթարկվել։ Ֆոտոլրագրողը հայտնում է, որ Ա. Մարգարյանը աշխատում է Ոստիկանության քննչական վարչության Գեղարքունիքի քննչական բաժնի Սևանի քննչական բաժանմունքի պետ։ Փաստի առթիվ ոստիկանության քննչական գլխավոր վարչության Կոտայքի մարզի քննչական բաժնի ավագ քննիչ Արսեն Սախոյանի կողմից նյութեր են նախապատրաստվում։ Նրա հանձնարարականով «Գազել»-ն ու վթարված «Մերսեդես»–ը տեղափոխվել են ոստիկանության Հրազդանի տուգանային հրապարակ։ Վթարի վայրում հավաքվածները պատմել են, որ «Գազել»-ը պատկանում «Թուֆենկյան» ընկերությանը։

Լուսանկարները` Գագիկ Շամշյանի

{gallery}shamshyan/qnnchakani-pet{/gallery}