Արարատի մարզում սպանվել է 25-ամյա երիտասարդ (ԹԱՐՄԱՑՎԱԾ` ՖՈՏՈ, ՏԵՍԱՆՅՈՒԹ)

Այսօր՝ դեկտեմբերի 23-ին, սպանություն է տեղի ունեցել Արարատի մարզում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 01.40-ի սահմաններում ոստիկանության Մասիսի բաժին Մասիսի կենտրոնական հիվանդանոցից հայտնել են, որ մահացած վիճակում իրենց մոտ է տեղափոխվել մի երիտասարդ: Հիվանդանոց մեկնած ոստիկանության Արարատի մարզային վարչության օպերատիվ խումբը՝ վարչության պետ Արսեն Աբրահամյանի և Մասիսի բաժնի պետ Համլետ Ղամբարյանի գլխավորությամբ, պարզել են, որ մահացածը Մասիսի 3-րդ թաղամասի 15 շենքի բնակիչ, 25-ամյա Էրիկ Քալաշյանն էր:

Ըստ դատական բժշկի՝ Քալաշյանը վնասվածքը ստացել է կրծքավանդակի ձախ կողմում կտրած-ծակած վնասվածքի հետևանքով: Փաստի առթիվ Ոստիկանության քննչական գլխավոր վարչության Արարատի մարզի քննչական բաժնի ոստիկանության Մասիսի քննչական բաժանմունքում, ավագ քննիչ Սամվել Անդրեասյանի կողմից հարուցվել է քրեական գործ՝ ՀՀ քրօր.-ի 104 հոդվածի 1-ին մասի (սպանություն) հատկանիշներով:

Դեպքի վայրում հավաքվածները ֆոտոլրագրող Գագիկ Շամշյանին պատմել են, որ մահացածը հարևանների շրջանում ավելի շատ հայտնի էր այն փաստով, որ հաճախակի ինքնավնասումներ էր կատարում՝ դանակով հարվածում ինքն իրեն: Ի դեպ, ըստ հարևանների պատմածի, տանը տեղի է ունեցել նաև վիճաբանություն՝ նրա և հարազատների միջև: Թե իրականում սպանություն է տեղի ունեցել, թե ինքնավնասում՝ պետք է պարզի քննչական մարմինը:

Լուսանկարները և տեսանյութը՝ Գագիկ Շամշյանի

{gallery}shamshyan/Spanutyun-1{/gallery}