Ավտովթար Գեղարքունիքի մարզում. կա մեկ զոհ և 4 վիրավոր (ԼՐԱՑՎԱԾ` Ֆոտո, տեսանյութ)

Այսօր` դեկտեմբերի 24-ին, ավտովթար է տեղի ունեցել Գեղարքունիքի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, 17.30-ի սահմաններում Երևան-Մարտունի ավտոճանապարհի 25-րդ կմ-ին իրար են բախվել Վազ 2121 մակնիշի 72 ԼՈ 777 համարանիշի, Վազ 21015 մակնիշի18 ՕՏ 294 համարանիշի և բեռնատար Գազել մակնիշի 05 ԼՏ 341 համարանիշի ավտոմեքենաները: Վթարի հետևանքով բեռնատար Գազելը դուրս է եկել երթևեկելի գոտուց, հարվածել ծառերի և հայտնվել ձորում:

Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի աշխատակիցները` հրամանատար Սերգեյ Հակոբյանի գլխավորությամբ: Ժամանել են նաև ոստիկանության Գավառի բաժնի օպերատիվ խումբը` Գավառի ոստիկանապետ Կարեն Նիկոլյանի գլխավորությամբ: Վթարի հետևանքով մեկ հոգի տեղում մահացել է, իսկ, ըստ նախնական տեղեկությունների, 2 հոգի տեղափոխվել են Գավառի հիվանդանոց: Մահացածին և վիրավորներին ավտոմեքենաներից դուրս են բերել ՀՀ Արտակարգ իրավիճակների նախարարության Հայաստանի փրկարար ծառայության Գեղարքունիքի մարզի փրկարարները:

Քիչ առաջ դեպքի վայր ժամանեց ոստիկանության քննչական գլխավոր վարչության Գավառի քննչական բաժանմունքի քննիչը: Ոստիկանությունը ձեռնարկում է օպերատիվ-քննչական միջոցառումներ` պարզելու համար մահացածի և հիվանդանոց տեղափոխված վիրավորների ինքնությունը: Փաստի առթիվ ոստիկանության Գավառի քննչական բաժանմունքում նյութեր են նախապատրաստվում:

Քիչ առաջ ֆոտոլրագրող Գագիկ Շամշյանը հայտնեց, որ վթարի հետևանքով մահացել է ՎԱԶ 21015-ի ուղևոր 37-ամյա Սոնա Չաթոյանը, իսկ Գավառի հիվանդանոց են տեղափոխվել ՎԱԶ 2121-ի վարորդ 40-ամյա Սարգիս Ղազարյանը, ուղևորներ` 36-ամյա Լևոն Փափազյանը, 39-ամյա Վարդան Օրդակյանը, ինչպես նաև ՎԱԶ 21015-ի վարորդ Հայկ Հովհաննիսյանը, 17-ամյա Գոռ Հովհաննիսյանը և Գազելի վարորդ 32-ամյա Գագիկ Ղազարյանը:

Լուսանկարները և տեսանյութը` Գագիկ Շամշյանի

{gallery}shamshyan/24-12-11{/gallery}