Սպառնացել է, որ մերկ նկարները կտեղադրի համացանցում

Ինչպես ԼՈՒՐԵՐ.com–ին հայտնում է Գագիկ Շամշյանը, ոստիկանություն է դիմել 25-ամյա Հայկանուշ Նավասարդյանը և հայտնել, որ իր նախկին ընկեր Բախշիկ Մարտիրոսյանը, ում հետ ծանոթացել է մեկ տարի առաջ, զանգահարել է իրեն և շանտաժի միջոցով պահանջել, որ իրեն փոխանցի 50 հազար ՀՀ դրամ։ Հակառակ դեպքում սպառնացել է, որ եթե գումարը չփոխանցվի, ապա աղջկա մերկ լուսանկարները կտեղադրի համացանցում։

Ոստիկանությունը պարզել է, որ Բ. Մարտիրոսյանը, ով կալանավորված է և գտնվում է ՀՀ Արդարադատության նախարարության «Հրազդան» քրեակատարողական հիմնարկում, այնտեղից է զանգահարել Հ. Նավասարդյանին։ Փաստի առթիվ ոստիկանությունում նյութեր են նախապատրաստվում։