Սպանությունը մի քանի ժամում բացահայտվեց (ՖՈՏՈ, ՏԵՍԱՆՅՈՒԹ)

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, այսօր՝ դեկտեմբերի 27-ին, ոստիկանության Երևան քաղաքի վարչության և ոստիկանության Կենտրոնականի և Էրեբունու բաժնի աշխատակիցների ձեռնարկած օպերատիվ աշխատանքների արդյունքում, պարզվել է, որ երեկ «Աղի ջուր» կոչվող լճակից դուրս բերված «Օպել» մակնիշի 28 ՍԼ 373 համարանիշի ավտոմեքենայի տիրոջը՝ անհատ ձեռներեց 40-ամյա Գարիկ Կիրակոսյանին սպանած անձի ինքնությունը։

Ֆոտոլրագրողը հայտնում է, որ այդ անձը Երևան քաղաքի Որմնադիրների 51 տան բնակիչ 26-ամյա Մհեր Խաչատրյանն է, ով այս պահին քննիչի որոշմամբ ձերբակալվել է։ Ֆոտոլրագրողը հայտնում է, որ սպանության դրդապատճառը եղել է այն, որ Կիրակոսյանին պատկանող ավտոմեքենայի սրահում ֆինանսական հարցերի շուրջ տեղի է ունեցել վիճաբանություն, որի ժամանակ Մ. Խաչատրյանը ավտոմեքենայի սրահից վերցրած դանակով անկանոն հարվածներ է հասցրել Կիրակոսյանին։

Սպանելուց հետո Կիրակոսյանի մարմինը տեղափոխել է մեքենայի ետևի նստատեղ, այնուհետև, վարելով սպանվածի ավտոմեքենան, ուղևորվել է Գաջեգործների 1 փողոցի թիվ 1 հասցեի մոտ գտնվող «Աղի ջուր» կոչվող լճակ և դուրս գալով ավտոմեքենայից, այն հրել և ջրասույզ է արել լճակում։ Նախաքննության շահերից ելնելով՝ որոշ մանրամասներ այս պահին ֆոտոլրագրողը չի հայտնում։

Լուսանկարները և տեսանյութը՝ Գագիկ Շամշյանի:

{gallery}shamshyan/Spanutyun-2{/gallery}