«ԿԱՄԱԶ»-ը կողաշրջվել է, քարաբեկորները հայտնվել են ճանապարհի մեջտեղում (ՖՈՏՈ, ՏԵՍԱՆՅՈՒԹ)

Այսօր՝ դեկտեմբերի 27-ին, ավտովթար է տեղի ունեցել Արարատի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, առավոտյան ժամը 09:00-ի սահմաններում Երևան-Արարատ ավտոճանապարհի 35-րդ կիլոմետրին «ԿԱՄԱԶ» մակնիշի 30 ՕՕ 369 համարանիշի բեռնատարը դուրս է եկել ճանապարհի երթևեկելի գոտուց և կողաշրջվել, որի հետևանքով վարորդն ու ուղևորը, ըստ նախնական տեղեկությունների, մարմնական վնասվածքներով տեղափոխվել են Արտաշատի քաղաքային հիվանդանոց:

«ԿԱՄԱԶ»-ը բարձված է եղել հսկայական քարերով, որոնք շուռ գալու հետևանքով թափվել են:

Մի մասը հայտնվել է ճանապարհի երթևեկելի հատվածում, մի մասը «գազոն»-ի մեջ:

Դեպքի վայր էին ժամանել ճանապարհային ոստիկանության 2-րդ սպայական գումարտակի աշխատակիցները, ինչպես նաև ոստիկանության Արարատի մարզային վարչության օպերատիվ խումբն ու ոստիկանության քննչական գլխավոր վարչության Արարատի քննչական բաժնի քննիչը:

Փաստի առթիվ նյութեր են նախապատրաստվում:

Լուսանկարները և տեսանյութը՝ Գագիկ Շամշյանի

{gallery}shamshyan/Kamaz-0{/gallery}