ՀՀ ոստիկանապետը Հանրապետության հրապարակից բարի ծառայություն մաղթեց ոստիկաններին (ՖՈՏՈՇԱՐՔ)

Այսօր` դեկտեմբերի 31-ին, ժամը 18.00-ին, Հանրապետության հրապարակում էին հավաքվել ճանապարհային ոստիկանության և ոստիկանության Երևան քաղաքի վարչության պարեկապահակային ծառայության 150-ից ավելի ոստիկանական ծառայողական մեքենաներ:

Ինչպես Հանրապետության հրապարակից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամանել են ՀՀ ոստիկանության պետ, գեներալ-լեյտենանտ Վլադիմիր Գասպարյանը, ՀՀ ոստիկանապետի ծառայության գծով տեղակալ, գեներալ-մայոր Ալեքսանդր Աֆյանը, Երևան քաղաքի վարչության պետ գեներալ-մայոր Ներսես Նազարյանը, ՀՀ ճանապարհային ոստիկանության պետ Արսեն Գալստյանը և այլ պաշտոնյաներ:

Ոստիկանների հավաքի պատճառը կայանում էր նրանում, որ ՀՀ ոստիկանության պետ Վլադիմիր Գասպարյանի հրամանով դեկտեմբերի 20-ից ոստիկանությունն անցել է ուժեղացված ծառայության: Այսօր ՀՀ ոստիկանապետը պարեկապահակային ծառայության և ճանապարհային ոստիկանության աշխատակիցներին ցանկացավ բարի ծառայություն և, որ ամենակարևորն է` այս օրով ոստիկանները քաղաքացիների նկատմամբ լինեն հանդուրժող` հաշվի առնելով նաև այն հանգամանքը, որ Ամանոր է, և հնարավոր է, որ քաղաքացիները մի քիչ էլ գինովցած լինեն:

ՀՀ ոստիկանապետը բարի ծառայություն մաղթեց ոստիկաններին և հայտնեց, որ ամբողջ գիշեր ինքը և ողջ ոստիկանության ղեկավարությունը լինելու են իրենց հետ և, որ ամենակարևորն է, ոստիկանապետը հայ ժողովրդին ցանկացավ խաղաղ օր և Աստծո օրհնություն: Այդ ամենից հետո ոստիկանները, ըստ ուղեցույցի, մեկնեցին ծառայության: Հանրապետության հրապարակում հավաքված քաղաքացիներին ոգևորել է ոստիկանների աշխատանքը:

Լուսանկարները` Գագիկ Շամշյանի:

{gallery}shamshyan/Hraparak{/gallery}