Հայտնաբերվել է «ԲՄՎ X5»-ը, որով կատարվել էր մահացու վրաերթը (ԼՐԱՑՎԱԾ՝ ՖՈՏՈ)

Քիչ առաջ ոստիկանության կենտրոնականի բաժնի Մարաշի բաժանմունք է մեղայականով ներկայացել այսօր՝ հունվարի 3-ին, ՀՀ ոստիկանության վարչական շենքի դիմաց վրաերթ կատարող վարորդը, ով դեպքի վայրից դիմել էր փախուստի։

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ոստիկանության Նորք–Մարաշի բաժանմունքում է գտնվում նաև «ԲՄՎ X5» մակնիշի 10 ՈԼ 100 համարանիշի ավտոմեքենան։ Ֆոտոլրագրողը հայտնում է, որ նշված ավտոմեքենան գրանցված է Չարենց փողոցի բնակիչ Արմեն Հարությունյանի անվամբ։

Այս պահին դեռևս պարզ չէ, թե ով է եղել ղեկին, քանի որ ոստիկանության աշխատակիցները հրաժարվում են տեղեկություն տրամադրել վարորդի վերաբերյալ։ Իսկ բաժանմունքի մոտ հավաքվածները պատմում են, որ մեքենայի տերը պետական պաշտոնյա է և դժվար թե պատասխանատվության ենթարկվի, ինչն, ըստ ֆոտոլրագրողի, մի քիչ դժվար է, քանի որ ՀՀ ոստիկանապետ, գեներալ–լեյտենանտ Վլադիմիր Գասպարյանը բավականին խիստ է նման հանցագործություն կատարող անձանց հայտնաբերելու և պատժելու հարցում։

Լուսանկարները՝ Գագիկ Շամշյանի։

{gallery}shamshyan/x5-040112{/gallery}

{gallery}shamshyan/1-vraert{/gallery}