The Guardian. Սիերա Լեոնեի նախագահը վերընտրվել է (տեսանյութ)

Սիերա Լեոնեի իշխող նախագահը վստահ հաղթանակ է տոնել նախագահական ընտրությունների առաջին փուլում, և անմիջապես ուրբաթ ուշ գիշերը երկրի գերագույն դատարանի կողմից կազմակերպվել է երդմնակալության արարողությունը Ֆրիթաունում՝ երկրի մայրաքաղաքում:

Էռնեստ Բայ Կորոման շահել է ձայների 58.7% տոկոսը, գրում է The Guardian-ը: Նրա հակառակորդներից մեկը՝ ընդդիմության առաջնորդ և պաշոնաթող գեներալ Ջուլիուս Մաադա Բիոն, զբաղեցրել է երկրորդ տեղը՝ հավաքելով ձայների 37.4%-ը:

Ընտրությունների արդյունքները հայտարարել է Կենտրոնական ընտրական հանձնաժողովի նախագահ Քրիստինա Թորպեն:

Սիերա Լեոնեում արդեն երրորդ նախագահական ընտրություններն էին 2002թ. ավարտված ահավոր քաղաքացիական պատերազմից հետո. 11-ամյա պատերազմը տասնյակ հազարավոր զոհեր խլեց և քանդեց երկրի տնտեսությունը:

Այս ընտրությունները անց են կացվել առաջին անգամ, առանց ՄԱԿ-ի հովանավորության, նշում է euronews-ը:

59-ամյա նախագահը առաջին անգամ ընտրվել է 2007 թվականին: