Հայտնի է «Միսս Երկիր-2012» մրցույթի հաղթողը (ֆոտոշարք)

Այսօր՝ նոյեմբերի 24-ին, Ֆիլիպինների մայրաքաղաք Մանիլայում ավարտվել է «Միսս Երկիր-2012» գեղեցկության միջազգային մրցույթը, որտեղ հաղթող է դարձել Չեխիայի ներկայացուցիչ Թերեզա Ֆայքսովան, գրում է stile.news.am-ը՝ հղում անելով Times of India թերթին:

Երկրորդ («Միսս Երկիր օդ»), երրորդ («Միսս Երկիր ջուր») եւ չորրորդ («Միսս Երկիր կրակ») հորիզոնականները զբաղեցրել են համապատասխանաբար Ֆիլիպինները ներկայացնող Ստեֆանի Ստեֆանովիչը, Վենեսուելան ներկայացնող Օսմարիել Վիլյալոբոսը եւ Բրազիլիան ներկայացնող Քամիլա Բրանթը:

Ռուսաստանցի Նատալյա Պերեվերզեւան կարողացել է միայն կիսաեզրափակիչ անցնել: 

Թերթի փոխանցմամբ, Թերեզա Ֆայքսովան թագն ստացել է իր նախորդից՝ «Միսս Երկիր-2011»-ի հաթող, էկվադորցի Օլգա Ալավայից:

«Միսս Երկիր» գեղեցկության մրցույթն անցկացվում է 2011 թվականից: Այս մրցույթում չկա «վիցե-միսս» տիտղոս: Դրա փոխարեն մրցույթի մասնակիցներին տարբեր տարերքների հետ կապված տիտղոսներ են տրվում: