Խոստումնալից ռուսական «Ստալինգրադ» ֆիլմը (տեսանյութ)

2013 թ. ձմռանը ժամանակակից ռուսական կինոյի պատմության մեջ սպասվում են աննխադեպ «փոթորիկներ», քանի որ մեծ էկրաններ է բարձրանում Ֆյոդոր Բոնդարչուկի՝  ամբողջությամբ IMAX 3D տեխնոլոգիաների չափանիշներով նկարահանված «Ստալինգրադ» գեղարվեստական ֆիլմը։ Ֆիլմում նկարահանվել են ժամանկակից ռուսական կինոյի ինչպես անվանի, այնպես էլ սկսնակ, բայց խոստումնալից դերասաններ, որոնց թվում են Անդրեյ Սմոլյակովը, Ալեքսեյ Բարաբաշը, այդ թվում նաև, եվրոպացի դերասաններ՝ Թոմաս Կրեչմանն ու Հայներ Լաուտերբախը։ Նախագծի վրա ընդհանուր առմամբ ծախսվել է 30 միլիոն ԱՄՆ դոլար։  Սցենարի հեղինակն է ռուսական դետեկտիվ և մարտաֆիլմի ժանրերին պատկանող հաջողված նախագծերի հեղինակ Իլյա Տիլկինը։

Նշենք, որ ֆիլմի նկարահանումների առաջին մասը մեկնարկել է 2011 թ. աշնանը և տևել 17 օր։ Այդ ընթացքում նկարահանվել են ճակատամարտի առավել ազդեցիկ դրվագները, որի մասայական տեսարաններին մասնակցել է ավելի քան 900 դերասան։

Նկարահանումների հիմնական պրոցեսը սկսվել է 2012 թ. մայիսի վերջին և ավարտվել հուլիսի 31–ին։ 2011 թ. նկարահանումները անց են կացվել Կրոնշտադտի Երրորդ հյուսիսային ֆորտում, իսկ 2012 թ. Սանկտ-Պետերբուրգում կառուցված հատուկ դեկորացիներում։   

Ստալինգրադի դեկորացիները վերարտադրվել են մանրակրկտորեն։ Կառուցապատման աշխատանքների վրա ծախսվել է 120 մլն ռուբլի, իսկ գեղարվեստական մասով զբաղվել է նկարիչ Սերգեյ Իվանովը։ Աշխատանքներին մասնակցել է ընդհանուր առմամբ 400 մարդ՝ 6 ամսվա ընթացքում։ Պավիլիոնային նկարահանումները անց են կացվել RWS и Ленфильм ստուդիաներում։

Նկարահանումներն իրականացվել են օրիգինալ 3D տեխնոլոգիայի հիմքի վրա ստեղծված RED Epic տեսախցիկներով, որը տրամադրել է  3ALITY digital հոլիվուդյան ընկերությունը։ RED Epic տեսախցիկների աշխատանքը վերահսկվել է ամերիկա-ռուսական համատեղ թիմի կողմից։ Հատուկ էֆֆեկտները պատկանում են Main Road ընկերությանը։

Ստորև ձեր ուշադրությանն ենք ներկայացնում ռեպորտաժ նկարահանման հրապարակից.