Աշխարհի 2014-ի առաջնության խորհրդանիշը ստացավ Ֆուլեկո անունը

Բրազիլիայում ավարտվել է ֆուտբոլի Աշխարհի 2014-ի առաջնության խորհրդանշի անունը որոշելու քվեարկությունը։ Ինչպես տեղեկացնում է ՖԻՖԱ-ի պաշտոնական կայքը, պաշտոնական խորհդանիշ զրահակիրը կկրի Ֆուլեկո անունը։

Քվեարկությանը մասնակցել է 1.7 մլն մարդ։ Ֆուլեկոն հավաքել է ձայների գրեթե 50%-ը՝ իր ետևում թողնելով Զուզեկոյին և Ամիդջուբին։

Ակնկալվում է, որ առաջին անգամ Ֆուլեկոն հանրությանը կներկայացվի կոնֆեդերացիայի գավաթի խաղարկության վիճակահանության ժամանակ, որը տեղի կունենա դեկտեմբերի 1-ին։