16-րդ երեխային լույս աշխարհ բերած բրիտանուհին երազում է հաջորդ երեխայի մասին

Սյու Րեդֆորդը՝ Մեծ Բրիտանիայում ամենաշատ երեխաներ լույս աշխարհ բերած մայրը, նոյեմբերի 23-ին ծննդաբերել է 16-րդ անգամ. այս մասին գրում է The Daily Mail-ը: Երկրի ամենամեծ ընտանիքն ապրում է Մորկամբ քաղաքում: 37-ամյա կինը, ով արդեն ուներ 8 որդի և 7 դուստր, ծնել է իր 9-րդ որդուն՝ Կասպերին, ընդամենը 16 րոպեում: Հիվանդանոցից տուն վերադառնալիս կինն անմիջապես խոստովանել է ամուսնուն՝ Նեոլին, որ ուզում է ևս մեկ երեխա ունենալ: Սնունդի համար ընտանիքը յուրաքանչյուր շաբաթ վճարում է 250 ֆունտ սթերլինգ: Այս մեծ ընտանիքն ապրում է 9 ննջարանով տան մեջ, որում կա հսկայական սառնարան և լվացքի մեքենա:

Հերոսուհի մայրը նշել է. «Ես ուղղակի սիրում եմ մայր լինել: Ես ինձ երջանիկ եմ զգում, երբ տեսնում եմ իմ երեխաներին միասին: Ես գիտեմ, որ շատերը չեն խրախուսում դա, կարծելով, որ երեխաները հարիր ուշադրության չեն արժանանում, բայց նրանք ուղղակի չեն հասկանում, թե մենք որքան հոգատար ենք: Եվ միգուցե երջանկությունը ժպտա մեզ՝ պարգևելով ևս մեկ երեխա»: