Իմ գոլ Իբրահիմովիչի գոլից գեղեցիկ է. Ռոբերտո Կարլոս (տեսանյութ)

Մախաչկալայի «Անժիի» տնօրեն Ռոբերտո Կարլոսը հայտարարել է, որ իր ֆուտբոլային կարիերայի ընթացքում մի այնպիսի գոլ է հեղինակել, որն իր գեղեցկությամբ գերազանցում է Զլատան Իբրահիմովիչի գոլին, որը շվեդ ֆուտբոլիստը հեղինակել էր Շվեդիա-Անգլիա խաղի ժամանակ (4։2)։

Ինչ վերաբերում է բրազիլացուն, ապա նա իր գոլը հեղինակել է 1998-ին «Տեներիֆեյի» հետ խաղի ժամանակ։

«Իհարկե, Իբրահիմովիչի գոլը հիանալի էր։ Քչերը կարող են այդպիսի գոլ հեղինակել։ Իբրահիմովիչն իր գոլը խփեց շրջադարձ հարվածով, իսկ իմ խփած գնդակն ավելի բարդ էր։ Չէ՞ որ այն սլանում էր մեծ արագությամբ և գրեթե դուրս էր գալիս ճակատային գծից։ Այդ իսկ պատճառով,  կարծում եմ, ես եմ խփել լավագույն գոլը։ Բացի այդ, Իբրահիմովիչի խփած գոլի ժամանակ դարպասապահը դուրս էր եկել դարպասից, իսկ իմ գոլի ժամանակ դարպասապահը գտնվում էր իր տեղում»,-Կարլոսի խոսքը մեջբերում է championat.com-ը։