Խորհրդակցություն՝ ԱԻՆ–ում

Այսօր ՀՀ ԱԻ նախարարությունում տեղի է ունեցել հերթական ամենշաբաթյա խորհրդակցությունը, որը վարել է նախարար Արմեն Երիցյանը։

ԱԻՆ Փրկարար ծառայության տնօրեն, գեներալ-մայոր Ս. Ազարյանը զեկուցեց շաբաթվա ընթացքում գրանցված արտակարգ պատահարների և ձեռնարկված միջոցառումների մասին։

ՓԾ տնօրենը նախարարին տեղեկացրեց նաև նոյեմբերի 30-ին երևանում անցկացվելիք «Ուժեղ երկրաշարժի դեպքում բնակչության պաշտպանության միջոցառումների իրականացումը» թեմայով ուսումնավարժության նախապատրաստական աշխատանքների մասին: Ուսումնավարժությանն ընդգրկված են ՀՀ պետական կառավարման մարմինների, ՀՀ ԱԻ նախարարության, Շիրակի մարզպետարանի, «Հարավկովկասյան երկաթուղի» ՓԲԸ օպերատիվ խմբերը, Երևանի արտակարգ իրավիճակների մշտական գործող հանձնաժողովը, տարահանման հանձնաժողովը, ԱԻՆ ՓԾ Երևանի և Արագածոտնի, Արարատի, Արմավիրի, Կոտայքի, Շիրակի մարզային փրկարարական վարչությունները և Երևանի հերթապահ ծառայությունները: Ուսումնավարժության մեջ կներգրավվեն ՍՊԱԾ գործակալության պետ Հ. Պետրոսյանը զեկուցեց, որ դեկտեմբերի 5-ին ՀՀ ԱԻՆ կոնֆերենց դահլիճում նախատեսվում է անցկացնել «Երեխաների երկրաշարժից պաշտպանության կազմակերպումը դպրոցներում» թեմայով սեմինար, իսկ դեկտեմբերի 17-ին Երևանում և 18-ին Գյումրիում՝ միաժամանակյա տարահանում հնարավորինս շատ թվով դպրոցներում:

ԱԻՆ ՓԾ տնօրենի տեղակալ, գնդապետ Ն. Գրիգորյանը նախարարին տեղեկացրեց հաշմանդամություն ունեցող անձանց ԱԻՆ համակարգում աշխատանքով ապահովելու խնդիրների մասին՝ նշելով, որ մինչև օրս աշխատանքի ընդունվելու դիմում է ներկայացրել 60 հոգի: Նա նշեց, որ այդ խնդրի շուրջ հատուկ թեմատիկ խմբի շրջանակներում աշխատանքային քննարկում կանցկացվի:

Խորհրդակցության ընթացքում նախարար Արմեն Երիցյանը խոսեց ԱԻՆ նորակառույց շենքի, ինչպես նաև գլխավոր մասնաշենքի ամբողջությամբ տեխնիկական ապահովման և վերազինման, կահավորման և շրջակա տարածքի բարեկարգման մասին՝ նշելով, որ այդ բոլոր աշխատանքներն արդեն տարվում են: Նախարարն իր գոհունակությունը հայտնեց շաբաթօրյակի ընթացքում աշխատակիցների դրսևորած ջանադրության, նվիրումի ու կատարած հսկայածավալ աշխատանքի կապակցությամբ:

Արմեն Երիցյանը հայտնեց նաև ԱԻՆ աշխատակիցների համար չորս նոր ավտոբուսներ ձեռք բերելու անհրաժեշտության մասին և ասաց, որ այդ խնդրի շուրջ արդեն բանակցություններ են ընթանում տարբեր երկրների հետ: