Միջպետական խորհրդի 17-րդ նիստը` Երևանում

Ս. թ. նոյեմբերի 27-ին և 28-ին, ժամը 11:00-ին, «Անի Պլազա» հյուրանոցի «Դվին» սրահում կանցկացվի Պարբերական մամուլի, գրահրատարակչության, գրքերի տարածման և պոլիգրաֆիայի ոլորտում համագործակցության հարցերով ԱՊՀ մասնակից պետությունների միջպետական խորհրդի 17-րդ նիստը:

Նիստի աշխատանքներին կմասնակցեն Հայաստանի Հանրապետության, Բելառուսի Հանրապետության, Ղազախստանի Հանրապետության, Մոլդովայի Հանրապետության, Ռուսաստանի Դաշնության պատվիրակությունները, ԱՊՀ մասնակից պետությունների Գրատարածողների ասոցիացիայի ու Գիտությունների ակադեմիաների միջազգային ասոցիացիային կից գրահրատարակչության խորհրդի ներկայացուցիչները:

Օրակարգում ներառված են մի շարք հարցեր, այդ թվում՝

* Պարբերական մամուլի, գրահրատարակչության, գրքերի տարածման և պոլիգրաֆիայի ոլորտում համագործակցության հարցերով ԱՊՀ մասնակից պետությունների միջպետական խորհրդի 16-րդ նիստի որոշումների կատարման հարցը,

* ԱՊՀ մասնակից պետությունների միջև գրքարվեստի 10-րդ միջազգային մրցույթի նախապատրաստման հարցերը,

* ԱՊՀ մասնակից պետությունների գրքի տոնավաճառների կազմակերպիչների և ազգային գրապալատերի տնօրենների խորհրդի ստեղծման հարցը,

* Պարբերական մամուլի, գրահրատարակչության, գրքերի տարածման և պոլիգրաֆիայի ոլորտում համագործակցության հարցերով ԱՊՀ մասնակից պետությունների միջպետական խորհրդի նախագահի ընտրության և 2013 թ. ծրագրերի հարցերը: