Նորք–Մարաշում ամբողջովին այրվել են «Տոյոտա Կորոլա», «Տոյոտա Պրադո» և «Պորշ Կայեն» մակնիշի ավտոմեքենաները (ՖՈՏՈ, ՏԵՍԱՆՅՈՒԹ)

Այսօր՝ հունվարի 5-ին, հրդեհի դեպք է տեղի ունեցել Երևանում։

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, գիշերը՝ ժամը 00.40-ի սահմաններում, ՀՀ արտակարգ իրավիճակների նախարարության Հայաստանի փրկարար ծառայության հակաճգնաժամային կենտրոն ահազանգ է ստացվել, որ հրդեհ է բռնկվել Նորք–Մարաշ վարչական շրջանի Արմենակյան փողոցի թիվ 228 տան ավտոտնակում։

Դեպքի վայր են մեկնել Երևանի հրշեջ ծառայության 3 մարտական հաշվարկ։ Ֆոտոլրագրողը հայտնում է, որ հրշեջները գրեթե 2 ժամից ավել պայքարում էին կրակը մարելու համար, քանի որ մարելուց հետո հերթական կրակի օջախն էր հայտնվում։ Բարեբախտաբար, զոհեր և վիրավորներ չկան, և այրվել է միայն «գառաժը», որտեղ էլ կայանված են եղել «Տոյոտա Կորոլա» մակնիշի 600 ՕՍ 06, «Տոյոտա Պրադո» մակնիշի 60 ՕԼ 006 և «Պորշ Կայեն» մակնիշի 60 ՈՍ 006 համարանիշի ավտոմեքենաները, որոնք ամբողջությամբ այրվել էին։ Ֆոտոլրագրողը հայտնում է, որ դեպքի վայրում հավաքվածները պատմել են, որ տան տերերը բացակայում են հանրապետությունից, և, ըստ նախնական տեղեկությունների, կրակի պատճառը եղել է ավտոմեքենաների մոտ եղած սառնարաններից առաջացած էլեկտրաէներգիայի թույլ միացումը։

Լուսանկարները՝ Գագիկ Շամշյանի։

{gallery}shamshyan/3-avto{/gallery}