Քիմ Քարդաշյանը նախանձում է խորթ քրոջը

Որպես կանոն՝ Miss Vogue կոչմանն Ավստրալիայում հավակնում են արդեն հայտնի աղջիկները: Նրանցից է, օրինակ, դերասանուհի և մոդել Ռոզի Հանթինգթոն-Ուայթլին: Vogue–ի նոր հերոսուհի է դարձել Քիմ Քարդաշյանի 17-ամյա խորթ քույրը՝ Քանդել Ջենները:

Ֆոտոշարքում շատ նորաձև աղջիկը նկարահանվել է էլեգանտ հագուստով՝ բաց մեջքով, գլխարկով և երևակայությունը ցնցող Nicholas Kirkwood կոշիկներով, որոնց բարձր կրունկները բարձրահասակ են դարձրել առանց այն էլ բարձր հասակ ունեցող Քանդելին, ու ոտքերը կարծես անվերջ են։ Տեսնելով ստացված լուսանկարները՝ Քիմն ուղղակի կորցրել է ինքնատիրապետումը: Այս մասին հայտնում է 1in.am-ը:

Հեռուստաշոուի աստղն այնքան է զայրացել, որ չի կարողացել նույնիսկ թաքցնել նախանձը քրոջ հանդեպ: «Vogue-ի շապիկին հայտնվելու համար ես ստիպված եմ եղել սպասել 31 տարի, իսկ Քանդելն անգամ 18 տարին չի բոլորել»,- գրել է Քիմը Twitter-ի իր էջում:

Պետք է նշել, որ Քարդաշյանն իսկապես նախանձելու տեղ ունի: Սկսենք նրանից, որ Քիմի լուսանկարը հայտնվել է ոչ թե կանանց պարբերականի, այլ տղամարդկանց համար նախատեսված իտալական L’Uomo Vogue ամսագրի շապիկին: Բացի դրանից, այդ ամսագրի շապիկին Քիմը գրեթե անճանաչելի է. բացակայումեն նրա հայտնի երկար ալիքաձև մազերը, դրանց փոխարեն նա լուսանկարում կրում է կարճ մազերով կեղծամ, դեմքն էլ ծածկված է մեծ, արևային ակնոցով: Իհարկե, այդ շապիկին Քիմն ինքնատիպ է, սակայն ի տարբերություն Քանդելի՝ շապիկի լուսանկարի, շատ համեստ է: