2011թ.-ին գազաֆիկացվել են ՀՀ գյուղական համայնքների 60%-ը

2011թ. բնական գազ են ստացել հանրապետության քաղաքային բնակավայրերի 91.8%-ը, գյուղական բնակավայրերի` 60.0%-ը: Ընդ որում, մինչ վերագործարկման աշխատանքները սկսելը բնական գազով գազաֆիկացված չեն եղել Շամլուղ, Մեղրի, Ագարակ և Դաստակերտ քաղաքները:

1997թ. սեպտեմբերից մինչև 2012թ. հունվարի 1-ը բնական գազով գազաֆիկացվել է 625,711 բնակարան և բնակելի տուն:

Բնակչությանը տրված բնական գազի 73.9%-ը բաժին է ընկել քաղաքային, 26.1%-ը` գյուղական բնակչությանը:

Հանրապետությունում իրացված բնական գազի դիմաց չվճարելու պատճառով տարիների ընթացքում կուտակված պարտքը 2012թ. հունվարի 1-ի դրությամբ կազմել է՝ 23296.1 մլն. դրամ, որից բնակչությունից 12354.0 մլն. դրամ: Մեկ խոր. մ օգտագործված գազի դիմաց բնակչության համար սահմանված սակագինը 2011թ. կազմել է 132 դրամ: