Կոկորդիլոս Գենան և Չեբուրաշկան կհանվեն աճուրդի (տեսանյութ)

Տիկնիկները, որոնք խաղացել են հայտնի մուլտֆիլմի դերերը, կհանվեն աճուրդի:

Խորհրդային մուլտֆիլմում գլխավոր դերեր ստանձնած հերոսների՝ Չեբուրաշկայի և կոկորդիլոս Գենայի տիկնիկները Մոսկվայի աճուրդի տանը կհանվեն վաճառքի: Ըստ կազմակերպիչների խոսքերի՝ այս տիկնիկները համարվում են պահպանված օրիգինալ տարբերակների վերջին նմուշները: Այս մասին հայտնում է РИА Новости-ն:

Վաճառքը կմեկնարկի դեկտեմբերի 11-ին: Ենթադրվում է, որ բոլորիս կողմից այդքան սիրված մուլտֆիլմերի հերոսների ընդհանուր արժեքը կկազմի 1,5-2 մլն ռուբլի: