The Daily Telegraph. Առաջին անգամ հրապարակվել է Բրեյվիկի իրագործած ահաբեկչության տեսագրությունը (տեսանյութ)

Նորվեգիայի հեռուստաընկերությունը երկուշաբթի օրն առաջին անգամ եթերում հրապարակել է Օսլոյում անցյալ տարի հուլիսին ծայրահեղական Անդերս Բրեյվիկի կազմակերպած ահաբեկչության տեսագրությունը. տեղեկացնում է The Daily Telegraph-ը:

Կառավարության շենքի մոտ կազմակերպած պայթյունի հետևանքով զոհվել են 8 հոգի: Դրանից հետո, ինչպես հայտնի է, ահաբեկիչը գնացել է Ուտոյա կղզի, ուր դաժանորեն սպանել է երիտասարդական ճամբարի մասնակիցներին:

Այս տեսանյութը մինչ օրս չէին ցուցադրում:

2011 թվականի հուլիսի 22-ին՝ 15:16-ին ահաբեկիչը շատ սովորական կերպով կանգնեցնում է իր սպիտակ գույնի «Volkswagen Crafter»-ը կառավարության շենքի հենց կողքը, ինչին ոչ մեկ այդպես էլ ուշադրություն չի դարձնում, նույնիսկ անցնող ոստիկանը: Ահաբեկիչն արագ հեռանում է մեքենայից։ Ուղիղ 9 րոպեից հարյուրավոր կիլոգրամներ տրոտիլով լցված մեքենան պայթում է:

Հիշեցնենք, որ Բրեյվիկը 2011թ. հուլիսի 22-ին Օսլոյում և Ուտոյա կղզում սպանել է 77, վիրավորել՝ 242 մարդու։

Նշենք, որ օգոստոսին Նորվեգիայի դատարանը Անդերս Բրեյվիկին ճանաչեց մեղսունակ ու դատապարտեց 21 տարվա ազատազրկման։