«168 Ժամ». Սերժ Սարգսյանի հաղթանակը, դժվար թե խանդավառություն առաջացնի Վաշինգտոնում կամ Մոսկվայում

«Կան նախկին ղեկավարներ, ինչպես պարոն Քոչարյանը և պարոն Տեր-Պետրոսյանը, բայց նրանք դժվար թե կարողանան դառնալ առաջատար փարոսներ, չնայած որ Տեր-Պետրոսյանը վերջին ընտրություններում շատ մոտ էր հաղթանակին: Չեմ կարծում, որ նա (Տեր-Պետրոսյանը.- խմբ) այս օրերին մեծ ժողովրդականություն ունի»,- «168 ժամ»-ի թղթակցին տված հարցազրույցում ասել է բրիտանական «Chatham House» հետազոտական կենտրոնի փործագետ Ջեյմս Նիքսին՝ անդրադառնալով Հայաստանի ընդդիմության ներկայիս հնարավորություններին:

Նիքսին ասել է, թե Տեր-Պետրոսյանի հաղթանակը կարող էր ցանկալի լինել ԱՄՆ-ի համար, բայց, իր կարծիքով, նա չի ստանա անհրաժեշտ օգնությունը, քանի որ ամերիկացիներն այժմ այնքան էլ մտահոգված չեն այդ հարցով: Իսկ հարցին՝ Հայաստանի նախագահական ընտրություններում ի վերջո աշխարհաքաղաքական կողմնորոշումներից ո՞ր մեկը կհաղթի՝ արևմտյա՞նը, թե՞ ռուսականը, փորձագետը պատասխանել է. «Ընտրությունների ելքը, որը վերջիվերջո լինելու է Սարգսյանի հաղթանակը, դժվար թե առանձնակի արձագանք կամ խանդավառություն առաջացնի Վաշինգտոնում կամ Մոսկվայում»: