«168 ժամ». Բագրատյանը կառաջադրի՞ իր թեկնածությունը
Վերջին լուրեր
ՀՀ նախկին վարչապետ, Աժ ՀԱԿ խմբակցության անդամ Հրանտ Բագրատյանը, «168 ժամ»-ի տեղեկություններով, պատրաստվում է առաջադրել իր թեկնածությունը 2013թ. կայանալիք նախագահական ընտրություններում: Հ. Բագրատյանն այդ քայլին չի դիմի այն մի դեպքում` եթե ՀԱԿ առաջնորդ Լևոն Տեր-Պետրոսյանն առաջադրի իր թեկնածությունը: Սակայն, ըստ թերթի աղբյուրների, Բագրատյանն իր մտադրությունից չի հրաժարվի, եթե Լ. Տեր-Պետրոսյանի փոխարեն ՀԱԿ-ից առաջադրվի մեկ այլ թեկնածու, ասենք, Լևոն Զուրաբյանը, կամ Կոնգրեսը որոշի պաշտպանել ԲՀԿ նախագահ Գագիկ Ծառուկյանին:
Բագրատյանը որպես իր գաղափարակիցներ' տեսնում է ՀԱԿ այն գործիչներին, ովքեր դեմ են ՀԱԿ-ԲՀԿ համագործակցությանը: Եթե Հրանտ Բագրատյանն իսկապես առաջադրի իր թեկնածությունը, ապա դա կհանգեցնի ՀԱԿ-ի հերթական, գուցե նաև վերջնական պառակտմանը, որը կարող է հանգեցնել քաղաքական իրականությունից այդ կառույցի վերջնական դուրսմղմանը: Ինքը' Բագրատյանը, այս մասին հրաժարվում է հրապարակայնորեն խոսել, սակայն իր մտադրությունների մասին բաց և անկեղծ խոսում է ՀԱԿ անդամ պատգամավորների և այլ քաղաքական ուժերի ներկայացուցիչների հետ:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
