Die Presse. Հունաստանին 44 մլրդ. եվրո օգնություն են տրամադրելու

Միջոցառումների մի ամբողջ փաթեթ է ընդունվել, որոնք ուղղված են Հունաստանի պարտքը կրճատելու ուղղությամբ: 

Միջազգային վարկատուներն ընդհանուր առմամբ համաձայնության են եկել Հունաստանին հատկացվելիք նոր օգնության շուրջ, որը կազմելու է մոտ 44 մլրդ եվրո, որից 34 400 մլրդ եվրոն կտրամադրվի դեռևս ընթացիկ տարվա մեջ, ինչը թույլ կտա խուսափել պետության սնանկացումից: Որոշումը կայացվել է երեքշաբթի երեկոյան Բրյուսելում:

«Վաղը Հունաստանի համար նոր օր է սկսվելու»,-Աթենքում լրագրողներին հայտարարել է Հունաստանի վարչապետ Անտոնիս Սամարասը: «Այդ որոշումը մեզ շատ դժվար է տրվել»,-հավելել է Եվրախմբի նախագահ Ժան Կլոդ Յունկեն Եվրամիության երկրների, Եվրոպական կենտրոնական բանկի և Արժույթի միջազգային հիմնադրամի հետ ավելի քան 12 ժամ տևած բանակցություններից հետո:

Միջազգային վարկատուները համաձայնության են եկել՝ միջոցառումների մի ամբողջական փաթեթ ընդունել՝ Հունաստանի պարտքը երկարաժամկետ հեռանկարներում մարելու և երկիրն անհրաժեշտ հունի մեջ դնելու համար: