ՀՀԿ-ական պատգամավորը բողոքում է աշխատավարձից

ՀՀԿ-ական պատգամավորը դժգոհ է համահայկական մարաթոնի ընթացքում Սփյուռքի հատկացրած գումարի չափից, քանի որ կարծում է, որ ունենք շատ ուժեղ սփյուռք, մինչդեռ այդքան քիչ գումար հատկացվեց:

Պատգամավորը բողոքեց ոչ միայն համահայկական մարաթոնի ընթացքում ստացված գումարներից, այլև՝ իր աշխատավարձից «Ես 243.000 դրամ եմ ստանում: ԱԺ պատգամավորի կարգավիճակի համեմատ ցածր է իմ աշխատավարձը»,-ասաց վերջինս:

«ՀԱԿ-ը պառլամենտական պրյոմ է անում, և դա իր իրավունքն է: Բայց քիչ չեն եղել դեպքերը, երբ ընդդիմությունն է նիստերը բոյկոտել: Վերջին բոյկոտը վերաբերում էր Վարդան Օսկանյանի գործի հետ կապված դատախազի միջնորդությանը»։ Այս մասին լրագրողների հետ հանդիպմանն ասաց ԱԺ ՀՀԿ-ական պատգամավոր Համլետ Հարությունյանը՝ պատասխանելով այն հարցին, թե սահմանադրական դատարան դիմելու ՀԱԿ-ի նախաձեռնությունը հիմք ունի, թե՝ ոչ:

Անդրադառնալով վերջին շրջանում հայոց պատմության նոր դասագրքում մարտի 1-ի իրադարձությունները խեղաթյուրված կերպով ներկայացնելու փաստին՝ պատգամավորը պատասխանեց. «Ես հենց նոր՝ ասուլիսի ընթացքում իմացա, որ մարտի 1-ի դեպքերն այլ կոնտեքստով են ներկայացված պատմության դասագրքում: Դա այնքան նուրբ թեմա է, որ հնարավոր չէ միասնական կարծիք հայտնել: Այն մեզ համար ցավոտ թեմա է»: