ԱԺ պատգամավոր Գարեգին Նուշիկյանը խախտում է օրենքը (տեսանյութ)

Լուրեր.com-ի ընթերցողներից մեկը խմբագրություն էր ուղարկել մի տեսանյութ, որում պատկերված է, թե ինչպես նոյեմբերի 24-ին ժամը 14:30-ի սահմաններում Երևանի Աբովյան-Կորյուն խաչմերուկում՝ անմիջապես լուսացույցի աջ սեկցիայի կանաչ լույսի տակ կայանված Lexus մակնիշի 010 ՕՕ 11 համարանիշի մեքենայի վարորդը խախտում է երթևեկության կանոնը, ինչի արդյունքում խախտում են կատարում նաև այլ վարորդներ՝ հոծ գիծը խախտելով և շրջանցելով վերոնշյալ մեքենան՝ խանգարելով 2-րդ շարքով երթևեկող մեքենաներին:

0XX OO 11 տիպի համարանիշները պատկանում են պատգամավորներին։

Լուրեր.com-ը հարցում էր ուղարկել Ազգային ժողով՝ պարզելու, թե ում է պատկանում 010 ՕՕ 11 համարանիշի մեքենան, և հարցմանն ի պատասխան՝ Ազգային ժողովից տեղեկացրին, որ նշված ավտոպետհամարանիշը հատկացված է ԱԺ պատգամավոր Գարեգին Նուշիկյանին։

Նշենք, որ Գարեգին Նուշիկյանը մեծամասնական ընտրակարգով ԱԺ պատգամավոր է ընտրվել թիվ 10 ընտրատարածքից և ընդգրկված է ՀՀԿ խմբակցությունում։

Հ.Գ. Այն, որ «Հայաստանի Հանրապետական» խմբակցության պատգամավորները մշտապես աչքի են ընկնում օրենքները խախտելով, թերևս ոչ մեկի համար գաղտնիք չէ։ Հուսանք, որ օրինախախտ պատգամավորը կտուգանվի և հաջորդ անգամ նման իրավիճակներում կհիշի այս տեսանյութը.

Տեսանյութը ներկայացնում ենք ստորև.

Տեսանյութն օգտագործելիս հղումը Լուրեր.com-ին պարտադիր է