Սաակաշվիլին կանխատեսում է Ուկրաինայի շուտափույթ անդամակցումը ԵՄ-ին

Վրաստանի նախագահ Միխայիլ Սաակաշվիլին կարծում է, որ Ուկրաինան կանցնի ԵՄ-ի շարքերն ավելի շուտ, քան ենթադրվում է։ Այս մասին Սաակաշվիլին ասել է Կիևում կայացած Tiger Conference կոնֆերանսի ժամանակ. փոխանցում է Korrespondent.net-ը։

«Մենք պետք է պատկանենք եվրոպական ընտանիքին։ Եվրոպան երբեք լիարժեք չի լինի, քանի դեռ Ոկրաինան այդ կառույցի անդամ չէ։ Ես հույս ունեմ, որ դա տեղի կունենա ավելի արագ, քան բոլորը պատկերացնում են։ Ուկրաինայի անդամակցության բոլոր առավելությունները կդառնան Եվրոպայի առավելությունը։ Այո, Ուկրաինային հարկավոր է Եվրոպան, սակայն Եվրոպային Ուկրաինան ևս անհրաժեշտ է»,-ասել է Սաակաշվիլին։

Սաակաշվիլին նշել է, որ ԵՄ-ն վիզային ռեժիմի լիբերալիզացումն է, ասոցացիա և եվրոպական հեռանկարներ երկու երկրների համար։ Նա նաև ընդգծել է, որ Եվրոպան ևս նոր հորիզոններ և գաղափարներ է փնտրել ընդլայնման համար, և այդ տեսանկյունից Մոլդովան, Վրաստանը և Ուկրաինան միասնական ռեգիոն են։ Սաակաշվիլին վստահ է, որ, չնայած Վրաստանում կայացած խորհրդարանական ընտրությունների արդյունքներին, իր երկիրը հետ չի դառնա ժողովրդավարության ճանապարհից, քանի որ այն ցուցադրել է իր արդյունավետությունը։