Կարլա Բրունին աջակցություն կհայտնի նույնասեռական ամուսնություններին

Ֆրանսիայի նախկին նախագահ Նիկոլա Սարկոզիի կինը՝ Կարլա Բրունին, Vogue ամսագրի դեկտեմբեր ամսի համարում հանդես կգա նույնասեռական ամուսնությունների օգտին։ Հարցազրույցում, որը կհրապարակվի ամսագրում, Կարլա Բրունի-Սարկոզին հայտարարել է այդ տեսակի հարաբերություններին, անգամ նույնասեռական ամուսիննների կողմից երեխաների որդեգրմանը տրվելիք իր աջակցության մասին։ Նա նաև խոստովանել է, որ իր ընկերների շրջանակում նման զույգերը շատ են, և որ ինքը որևէ խոչընդոտ չի տեսնում նրանց միասին լինելն արգելելու համար։ Իսկ Նիկոլա Սարկոզիին նման դիրքորոշումն այդքան էլ դուր չի գալիս. հայտնում է Le Parisien-ը։

Նա սովոր է հաշվի առնել ժողովրդի շահերը, իսկ այսօրվա դրությամբ Ֆրանսիայի բնակիչների մեծամասնությունը չի ընդունում նույնասեռականների կողմից երեխաներ որդեգրելու իրավունքը։