Սգո օր Բանգլադեշում

Բանգլադեշը սուգ է հայտարարել Թազրինի կարի ֆաբրիկայի հրդեհից հետո, որն ավելի քան 110 աշխատակիցների մահվան պատճառ էր հանդիսացել: Երեքշաբթի կանաչ և կարմիր պետական դրոշների հետ սև դրոշներ են կիսախոնարհվել բոլոր կառավարական շենքերի և ավելի քան 4500 կարի ֆաբրիկաների վրա: Մինչ զոհերի հուղարկավորումը, ոստիկանությունը հետախուզում է հայտարարել ֆաբրիկայի ժամանակավոր տնօրեն Դելվար Հոսեյնի նկատմամբ: Դաքքայի ոստիկանապետ Հաբիբար Ռահմանը տեղեկացրել է AFP լրատվական գործակալությանը, որ Հոսեյնը կհարցաքննվի կառույցի կանոնադրության թույլ տված խախտումների համար այն բանից հետո, երբ պարզվել է, որ ինը հարկանի ֆաբրիկան միայն երեք հարկի շահագործման համար թույլտվություն ուներ:

«Մենք նրան կհարցաքննենք նաև փրկվածներից ստացված բողոքների վերաբերյալ առ այն, որ մենեջերները թույլ չեն տվել աշխատակիցներին լքել ֆաբրիկան, երբ կրակ է բռնկվել»: Ռահմանն ասել է, որ Թազրիննի 12 հարկանի ֆաբրիկան, որ ունի ավելի քան 1000 աշխատակից, չունի վթարային մուտք: «Երբ կրակը տարածվել է, ղեկավարները նունիսկ ասել են աշխատակիցներին, որ պետք չէ վախենալ»:

Բանգլադեշի զարգացումները տեղի ունեցան, երբ ԱՄՆ հսկա Walmart մանրածախ ընկերությունը հայտարարեց, որ այն խզում է իր հարաբերությունները անանուն մատակարարի հետ, ով Թազրինի ֆաբրիկայից կտորներ էր ներմուծում: Բազմազգ ընկերությունն իր հարաբերություններն ավելի էր խստացրել իր մատակարարի հետ՝ ի պատասխան Բանգլադեշի հագուստի արտադրության ապահովության կանոնների խախտման: Բանգլադեշն էժան աշխատանք է առաջարկում մի շարք արևմտյան ապրանքանիշերի մանուֆակտուրայի համար:

Walmart-ն իր ցավակցությունն է հայտնել զոհերի ընտանիքներին և ասել, որ տեղի ունեցածը չափազանց անհանգստացնում է իրենց, և իրենք կշարունակեն աշխատել հագուստի արտադրության ընկերության հետ՝ Բանգլադեշում ապահովության տեղեկացվածությունը բարձրացնելու և դասընթացներ անցկացնելու համար.«Մատակարարն այս ֆաբրիկայի հետ առանց ղեկավարության համաձայնության և մեր քաղաքականության ուղղակի խախտմամբ պայմանագիր է կնքել: Թազրինի ֆաբրիկան այլևս լիազորված չէ մատակարարի հետ որևէ առնչություն ունենալ: Այսօր մենք արդեն սառեցրել ենք մեր հարաբերություններն այդ մատակարարի հետ»: