«The Globe Spots»-ը Հայաստանն ընդգրկել է 2013թ. լավագույն տասնյակի մեջ

«The Globe Spots»-ը Հայաստանն ընդգրկել է այն երկրների տասնյակի մեջ, ուր խորհուրդ է տրվում զբոսաշրջիկներին այցելել 2013 թվականին, փոխանցում է «Globe Spots»-ի պաշտոնական կայքը:

Հայաստանը հինգերորդն է այս ցուցակում, որը գլխավորում է Պորտուգալիան: Մոզամբիկը երկրորդն է: Ղրղզստանը և Պանաման զբաղեցնում են համապատասխանաբար երրորդ և չորրորդ տեղերը: Ցուցակում են ընդգրկվել նաև Ռուանդան, Կուբան, Ուկրաինան, Մալավին և Կանադան:

Չնայած իր բավականին զարգացած զբոսաշրջության ենթակառուցվածքներին՝ Հայաստանը դեռևս գտնվում է բազմաթիվ ճանապարհորդների ուշադրության կենտրոնում: Հպարտանալով, որ իրենք առաջինն էին, որ ընդունեցին քրիստոնեությունը, դրա հաստատման համար բազում ապացույցներ են տրամադրում», նշում է «Globe Spots»-ը:

«Բարեբախտաբար նրանք, ովքեր ցանկություն կհայտնեն ավելի շատ փորփրելու, կհայտնաբերեն իրավամբ հիասքանչ երկիր գեղեցիկ տեսարաններով, ինչպես նաև կհանդիպեն ազնվորեն հիանալի մարդկանց, ովքեր միշտ պատրաստ են առաջարկելու նրանց մի քիչ «արաղ» (ինչն էլ ներկայացվում է անվերջ կենացներով) կամ հրավիրելու իրենց խորովածի խնջույքներին կամ երկուսն իրար հետ», շարունակում է «Globe Spots»-ը:

«Globe Spots»-ը հիշեցնում է, որ մուտքի արտոնագրի պահանջները ԵՄ քաղաքացիների համար սկսած հունվարից հանվելու են։