Նոր չինական անձնագրերը` դիվանագիտական սկանդալի պատճառ (տեսանյութ)

Վիետնամի կառավարությունը հայտարարել է, որ այն չի ընդունելու չինական անձնագրերը, որոնց վրա պատկերված է մի քարտեզ, որը ներառում է Հարավչինական ծովում գտնվող վիճելի կղզիները. տեղեկացնում է Al Jazeera-ն:

Այս դիվանագիտական սկանդալին հաջորդել է Հնդկաստանի կողմից ձեռնարկված նմանատիպ մի քայլ. Դելին որոշեց Չինաստանի քաղաքացիներին տրամադրել Նյու Դելիի սեփական քարտեզներով պատկերներով մուտքի արտոնագրեր:

Վիետնամում անհանգստություն կա այն առումով, որ նման անձնագրերում մուտքի վիզա խփելով՝ կառավարությունն անուղղակիորեն ճանաչելու է Պեկինի իրավունքն այդ վիճելի տարածքի վրա:

Սա նուրբ հավասարակշռության հարց է Վիետնամի համար, քանի որ այն նաև փորձում է զարկ տալ սեփական զբոսաշրջության ոլորտին: Վիճակագրական տվյալների համաձայն՝ օգոստոս ամսի տվյալներով մոտ 894.000 զբոսաշրջիկ է Վիետնամից գնացել Չինաստանից:

The Economist-ի համաձայն՝ Չինաստանը Վիետնամի ամենախոշոր առևտրային գործընկերն է: 2011թ. երկու երկրների միջև առևտուրը հասել է $36 մլրդ-ի:

Վիետնամի հետ միասին Հարավչինական ծովում այդ կղզիների հանդեպ հավակնություններ ունեն նաև Ֆիլիպինները, Մալայզիան և Բրունեյը:

Նոր չինական անձնագրերը պատկերում են, որ այդ կղզիները պատկանում են Չինաստանին:

Ֆիլիպինները ևս դեմ է հանդես եկել, հայտարարելով, որ կառավարությունը բողոքում է նոր չինական էլեկտրոնային անձնագրերի դեմ Մանիլայում Չինաստանի դեսպանությանն ուղղված նոտայում: