Եթե դժվար չէ ու ժամանակ ունես, կամուսնանա՞ս ինձ հետ

Զարգացած տեխնոլոգիաներով հարուստ մեր ժամանակներում, երբ դժվար է անգամ փոքր երեխային զարմացնել որևէ բանով, իսկապես արժե գնահատել նրանց, ում հաջողվում է դեռ որևէ մեկին զարմացնել ու հուզել որևէ յուրահատուկ քայլով: Սովորաբար հայ աղջիկները յուրօրինակ ամուսնության առաջարկությունների և արտասավոր քայլերի հիմնականում հանդիպում էին ֆիլմերում և գրքերում:

Բարեբախտաբար փոխվել են ժամանակները ու համարձակ քայլերն այսօր ոչ թե ծաղրի են արժանանում կամ տարօրինակ հայացքների, այլ ընդհակառակը՝ գովեստի, ինչը խթանում է այն, որ հայ երիտասարդները չերկմտեն ու չտարակուսեն իրենց հետաքրքիր պատկերացումներն ի կատար ածել: Հաճախ հասարակական վայրերում ականատես ենք լինում սիրո արտահայտման յուրահատուկ ձևերի, որոնք ուղղակի անծանոթ մարդկանց ժպտալու առիթ են տալիս՝ այդ ակնթարթը լցնելով դրական զգացողություններով: 

Ահա հերթական գեղեցիկ ու հուզումնառատ տեսահոլովակը, որ շատ աղջիկների ևս մեկ անգամ գուցե երազելու թևեր տա: