10 գործարարներ, որոնք կյանքից վերցնում են ամեն ինչ

Որոշ մարդիկ գիտեն, թե ինչպես կյանքից վերցնել ամեն ինչ: Նրանք շատ են աշխատում, հասնում են անասելի բարձունքների և, միաժամանակ, չեն խնայում իրենց միջոցները ճամփորդության, տարօրինակ զբաղմունքների, շքեղ կյանքի և բարերարության համար:

Սովորական մարդկանց շրջանում հարուստ-հաջողակները միշտ էլ նախանձ են առաջացրել, սակայն նրանք օգնում են մեզ կյանքին նոր աչքով նայելու և փոխելու կյանքի հանդեպ ունեցած մեր արժեքները: Business Insider հրատարակությունը ներկայացրել է IT ոլորտի ամենահաջողակ գործարարների ցանկը, որոնք կյանքից ստանում են ամեն ինչ:

1. Մարկ Ցուկերբերգ. Ֆիլմի և հայտնի երեկոյան շոուի գլխավոր հերոս: Facebook սոցիալական ցանցի հիմնադիր-ղեկավարը 28 տարեկան հասակում արդեն դարձել է լեգենդ: Ցուկերբերգի կյանքի մասին պատմող ֆիլմ է ստեղծվել` «The social Network»: Բացի այդ երիտասարդ, հարուստ և գեղեցիկ գործարարը մի քանի անգամ մասնակցել է ԱՄՆ-ի NBC հեռուստաալիքի ամենահայտնի շոուներից մեկում` «Saturday Night Live»: 2012թ.-ի մայիս ամսին Ցուկերբերգն ամուսնացել է իր ընկերուհի` Պրիսցիլայի հետ:

2. Փոլ Ալեն. Microsoft, սպորտային խմբեր և հավաքածուներ: Փոլ Ալենը, Բիլ Գեյցտսի հետ դառնալով Microsoft-ի հիմնադիր, կարողացել է աշխատել միլիարդավոր դոլարներ և համարվում է աշխարհի ամենահարուստ մարդկանցից մեկը: Նման հարստություն ունենալով` նա չի խնայում իր գումարները. նա հավաքագրում է կլասիկ համակարգիչներ, ձեռք է բերում անշարժ գույք և ունի իր սեփական սպորտային թիմերը, որոնց շարքին են դասվում Seattle Seahawks-ը և Portland Trailblazers-ը: Փոլ Ալենը նաև օգնում է բարեգործական կազմակերպություններին:

3. Սերգեյ Բրին. Google-ի ամենակարգին մարդը: Ո՞վ չէր ցանկանա գտնվել Սերգեյ Բրինի փոխարեն: Google-ի հիմնադիրը շատ հարուստ է և հիմա ինչ-որ նոր բան է փորձում Google-ի հատուկ բաժնում` Google X: Տեղեկություններ կան այն մասին, որ Բրինը մտադիր է ստեղծել ինքնակառավարվող ավտոմեքենա և Project Glass փոքրիկ և հարմարավետ համակարգիչ:

4. Բիլ Գեյտս. անխիղճ մագնատից մինչև բարերար: Չնայած այն հանգամանքին, որ Բիլ Գեյտսը բարեգործական հիմնադրամներին է նվիրաբերում իր ամբողջ եկամուտը, նա համարվում է աշխարհի երկրորդ ամենահարուստ մարդը: Գործարարի ճակատագիրը շատ տարօրինակ է: Իր աշխատանքային կարիերան նա սկսել է որպես շատ խիստ գործարար: Այն բանից հետո, երբ Microsoft-ը առաջատար դիրք գրավեց, Բիլը թողեց բոլոր ղեկավար պաշտոնները և ամբողջովին նվիրվեց բարեգործությանը: Բիլ Գեյտսն իր ընկերոջ` Ուորեն Բաֆետի հետ միասին ստեղծել են Giving Pledge հիմանադրամը, որով նրանք մեծահարուստներին հորդորում էին իրենց եկամուտների մեծ մասը նվիրաբերել բարեգործական նպատակներին:

5. Սթիվ Վոզնյակ. Apple-ի հիմնադրից մինչև վիդեոխաղերի հերոս: 62-ամյա Վոզնյակին երկրպագում են այն բանի համար, որ նա 1976թ.-ին Սթիվ Ջոբսի հետ միասին ստեղծել է Apple-ը: Շատերի համար դա էլ բավական է երջանիկ լինելու համար, սակայն Վոզնյակը շարունակում է իր աշխատանքը: Հիմա նա աշխատում է Fusion-io hi-tech ընկերությունում, որպես ինժեներ: Այդ ընկերությունը զբաղվում է ինֆորմացիայի պահպանման նոր ուղղությունների ստեղծման մեթոդների մշակմամբ: Վոզնյակը ոչ միայն լեգենդ է, այլ նաև iPhone-ի համար ստեղծված խաղի հերոս:

6. Մարկ Բենիոֆ. Տեխնիկական կանխատեսող և արկածախնդիր: Միլիարդատեր Մարկ Բենիոֆը ոչ միայն ստեղծել է salesforce.com-ը, որն արմատապես փոփոխել է ծրագրային աշխարհը, այլ նաև ստեղծել է բարեգործական մոդել: Իր հիմնադրամի` 1-1-1-ի շնորհիվ կազմակերպությունները բարեգործական նվիրատվություններ են կատարում այն պահից, երբ սկսում են շահույթ ստանալ: Բիենոֆը իր բարեգործական հիմնադրամին է փոխանցում իր ընկերության կապիտալի 1%-ը, ապրանքների գնի 1%-ը և աշխատողների աշխատաժամանակի 1%-ը: Բացի այդ 48-ամյա գործարարը սիրում է էկզոտիկ ճանապարհորդություններ, կամուրջներից հատուկ պարաններով ցատկ և յոգա:

7. Ռիչարդ Բրենսոն. Կյանք «վայելել պահը» կարգախոսով: Բրիտանացի գործարարը հիմնադրել է Virgin ընկերությունը, որի կազմի մեջ են մտնում 350 ընկերություններ, որոնց թվին են պատկանում ձայնագրող ընկերություն, բջջային կապի օպերատոր, ավիաընկերություն և տիեզերական ճանապարհորդության գործակալություն: Բացի այդ նա շատ գրքեր է գրել, որոնք մեծ վաճառք են ապահովել: 62-ամյա գործարարը հայտնի է վտանգավոր արկածների նկատմամբ ունեցած սիրով` իր ընտանիքի հետ նա բարձրացել է Էվերեստի գագաթը և բազում անգամներ փորձել է բազմաթիվ օդային և ջրային ռեկորդներ սահմանել:

8. Զախ Նելսոն. Ջրասույզ և ֆուտբոլիստ: Զախ Նելսոնին շատ դժվար է գտնել Լարի Էլիսոնի կողմից ստեղծված NetSuite ընկերությունում, որտեղ նա ընկերության ղեկավարն է: Շատ հաճախ Զախ Նելսոնն իր ժամանակն անց է կացնում ջրի տակ, որտեղ նա զբաղվում է ձկնորսությամբ: Ամերիկացի գործարարը նաև ունի իր սեփական ֆուտբոլային թիմը` Omaha Nighthawks-ը, և համարվում է Curbed.com անշարժ գույքի կայքէջի ներդրողը:

9. Շոն Պարկեր. Երեկույթների մոլի սիրահար: Համացանցային գործարարը, որը հայտնի է որպես Sean Parker-ի, Napster-ի և Facebook-ի համահիմնադիր, երեկույթների մոլի սիրահարի անուն է ձեռք բերել: Պարկերը հաճախ մեծ երեկույթներ է կազմակերպում իր Նյու-Յորքյան առանձնատանը, որտեղ նա հրավիրում է հայտնի երաժիշտների, կինոաստղերի և այլ հայտնությունների:

10. Լարի Էլիսոն. Մարդ, որն ունի ամեն ինչ, նույնիսկ մի քիչ էլ ավելին: Oracle ընկերության հիմնադիրը վերջին երկու տասնամյակների ընթացքում համարվել է աշխարհի երրորդ ամենահարուստ մարդը, որի կարողությունը գնահատվում է 41 մլրդ ԱՄՆ դոլար: Նա ունի իր սեփական սպորտային թիմը, նաև ունի մեծ քանակությամբ անշարժ գույք, որի մեջ մտնում է նաև Հավայան կղզիներում իր սեփական կղզին: Բացի այդ 68-ամյա գործարարը բարեգործական հիմնադրամներին մեծ գումարներ է նվիրաբերել: