«ՀԺ». «Խնդիրը, իմ կարծիքով, ոչ թե պատմագիտական բնույթի է, այլ՝ քաղաքագիտական»
Վերջին լուրեր
«Հայկական Ժամանակ» հայաստանյան պարբերականը գրում.
««Խնդիրը, իմ կարծիքով, ոչ թե պատմագիտական բնույթի է, այլ՝ քաղաքագիտական, որովհետև, իմ խորին համոզմամբ, մեր օրերի իրադարձություններին պատմաբանը լիարժեք պատասխան և անաչառ գնահատական տալ չի կարող»: «Հայկական ժամանակ»-ի թղթակցի հետ զրույցում երեկ նման կարծիք է հայտնել ԳԱԱ պատմության ինստիտուտի տնօրեն, պ. գ. դ., պրոֆեսոր, ԳԱԱ թղթակից անդամ Աշոտ Մելքոնյանը' անդրադառնալով բուհական պատմության դասագրքում 2008-ի նախընտրական և հետընտիական շրջանի մասին ԵՊՀ պատմության ֆակուլտետի դեկան Էդիկ Մինասյանի հեղինակած գլխին:
«Պետք է ժամանակ անցնի, համապատասխան աղբյուրների համապարփակ առկայություն լինի, որից հետո նոր հնարավոր լինի տալ սպառիչ պատասխան»,- ասել է Մելքոնյանը:
ԵՊՀ-ում, սակայն, բոլորովին այլ կարծիքի են: Երեկ հայտարարություն է տարածել ԵՊՀ հասարակայնության հետ կապերի և լրատվության վարչությունը, որտեղ ասվում է. «Ցանկանում ենք ևս մեկ անգամ հիշեցնել որ վերոհիշյալ դասագիրքը, այդ թվում՝ նաև շահարկվող հատվածը շարադրվել են միմիայն փաստական տվյալների հիման վրա և զերծ են պատմաբանի սուբյեկտիվ մոտեցումներից»»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
