Հնդկաստանում 13-ամյա աղջկան 2 տարի շարունակ բռնաբարել է նրա ընտանիքը

Հնդկաստանի ոստիկանությունը բացահայտել է մանկապիղծերի մի ամբողջ ընտանիք, որը 2 տարի շարունակ բռնաբարել է իր մանկահասակ ազգակցուհուն: Տուժածի ավագ քույրը, չդիմանալով տառապանքներին, մի քանի տարի առաջ ինքնասպանություն էր գործել:

Դաժան հանցագործությունը բացահայտվել է Քաննուր քաղաքում, ուր մանկապիղծ ազգակիցների ձեռքից տուժել է 13-ամյա դպրոցականը. փոխանցում է Newsru-ն՝ հղում կատարելով NDTV հեռուստաալիքին:

Երեքշաբթի օրը ոստիկանությունը ձերբակալել է տուժածի հորն ու հորեղբորը: Հանցագործության երրորդ մասնակիցը աղջկա 15-ամյա եղբայրն է, որին անչափահասների բաժին են հանձնել: Ավելին, գործի մեջ մեղադրվում է նաև չորրորդ անձը՝ աղջկա մյուս հորեղբայրը:
Բռնաբարությունների շարքի մասին առաջինը տեղեկացել են աղջկա ուսուցիչները, որոնց նա վստահել է գաղտնիքը: Ուսուցիչներն այդ մասին շտապել են հայտնել ոստիկանությանը:

Հետաքննության արդյունքում պարզվել է, որ մի քանի տարի առաջ մահացել է տուժածի քույրը: Դպրոցական աղջիկը պատմել է, որ քույրն ինքնասպան է եղել, քանի որ նույնպես ենթարկվել է սեռական բռնության:

Աղջկա մայրը պնդում է, որ այդ մասին տեղյակ չի եղել: