Դեմքի փոխպատվաստման աշխարհում առաջին հաջող փորձը

7 տարի առաջ ֆրանսուհի Իզաբել Դինուարին կատարել են աշխարհում առաջին դեմքի փոխպատվաստումը: Կինը փորձել էր ինքնասպանություն գործել՝ ընդունելով մեծ քանակությամբ քնաբեր: Նրան այդ վիճակում գտել է նրա շունը, որը փորձել է ուշքի բերել նրան՝ կրծոտելով դեմքը: Արդյունքում կինը մնացել էր առանց քթի, այտերի և շուրթերի:

Սովորական կոսմետիկ վիրահատությունը բժիշկները միանգամից բացառել են, քանի որ վնասված հատվածը շատ մեծ է եղել: Դրա փոխարեն՝ նրանք առաջարկել են կատարել աշխարհում առաջին դեմքի փոխպատվաստումը: Փոխպատվաստման համար օգտագործվել է ուղեղի աշխատանքը կանգնած մի դոնորի դեմքի մաշկն ու մկանները:

«Ամենադժվարը նորից ինքդ քեզ գտնելն է, այնպիսին, ինչպիսին դու կայիր նախկինում: Բայց ես գիտեմ, որ դա անհնարին է: Երբ ես նայում եմ հայելու մեջ, ես տեսնում իմ դեմքը և դոնորի դեմքը: Դոնորը միշտ ինձ հետ է, ես շատ կուզենայի հանդիպել այն կնոջ ընտանիքի հետ, ում դեմքն ինձ փոխպատվաստել են»,-պատմում է 45-ամյա ֆրանսուհին:

Նրա դեմքի վրա քթից ծնոտ տանող մի բարակ սպի է մնացել. դա 15 ժամ տևած վիրահատության արդյունքն է, որի ընթացքում վիրաբույժները կնոջը փոխպատվաստել են դոնորից վերցված դիմամկանները, մաշկը և երակները:

Ամբողջ աշխարհում հաջող կատարվել է դեմքի փոխպատվաստման շուրջ տասը վիրահատություն ԱՄՆ-ում, Իսպանիայում, Թուրքիայում, Չինաստանում. հաղորդում է Korrespondent-ը: