Անձնակազմին ներկայացվեց «Օվիռի» նորանշանակ պետը (ՖՈՏՈՇԱՐՔ)

Քիչ առաջ ֆոտոլրագրող Գագիկ Շամշյանը հայտնեց, որ ՀՀ ոստիկանապետի տեղակալ, ոստիկանության գեներալ–մայոր Արթուր Օսիկյանը ժամանեց ՀՀ ոստիկանության անձնագրային և վիզաների վարչություն։ Ինչպես ԼՈՒՐԵՐ.com–ին հայտնում է ֆոտոլրագրող Գագիկ Շամշյանը, ՀՀ փոխոստիկանապետի հետ ժամանել էր նաև երեկ ՀՀ ոստիկանապետ, գեներալ-լեյտենանտ Վլադիմիր Գասպարյանի հրամանով անձնագրային և վիզաների վարչության պետ նշանակված Հովհաննես Քոչարյանը։

Անձնագրային և վիզաների վարչության դահլիճում էին հավաքվել նաև ոստիկանության բոլոր բաժինների և բաժանմունքների անձնագրային ծառայությունների պետերը։ Մինչ ոստիկանապետի տեղակալ Աթուր Օսիկյանը անձնակազմին կներկայացներ նորանշանակ վարչության պետին, նրանք շրջեցին անձնագրային և վիզաների վարչության շենքում, զրույցներ ունեցան շենքում գտնվող քաղաքացիների հետ՝ լսելով նրանց հուզող հարցերը։ Մի քանի հարցերի սպառիչ պատասխաններ և հանձնարարականներ տրվեցին։ Խորհրդակցությանը ներկա էր նաև անձնագրային և վիզաների վարչության նախկին պետ, ոստիկանության գնդապետ Նորայր Մուրադխանյանը։

Լուսանկարները՝ Գագիկ Շամշյանի։

{gallery}shamshyan/Andznagrayin-Kocharyan{/gallery}