«Արզնի» թռչնաբուծարանին պատկանող բեռնատարից դուրս շպրտված կովերից 6–ը սատկել է

Այսօր՝ դեկտեմբերի 6-ին, ավտովթար է տեղի ունեցել Արմավիրի մարզում: Ժամը 17:00-ի սահմաններում, Կոտայքի մարզի Չարենցավան քաղաքի բնակիչ, 42-ամյա Ավետիս Մարտիրոսյանը, վարելով «Զիլ» մակնիշի 689 ԼՕ 43 համարանիշի ավտոմեքենան, Աշտարակ-Էջմիածին ավտոճանապարհի Շահումյան գյուղի հատվածում, մի պահ կորցրել է ավտոմեքենայի կառավարումը, ինչի հետևանքով թափքում եղած 9 խոշոր եղջերավոր անասունները դուրս են շպրտվել:

Ինչպես հայտնում է shamshyan.com–ը, անասուններից 6-ը տեղում սատկել են, իսկ 3-ը՝ վնասվածքներ ստացել: Ֆոտոլրագրողը հայտնում է, որ խոշոր եղջերավոր անասունները պատկանում էին «Արզնի» թռչնաբուծարանի սեփականատեր Մարատ Ջանվելյանին:

Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 1-ին դասակի աշխատակիցները՝ վաշտի հրամանատար Տիգրան Գրիգորյանի և 1-ին դասակի հրամանատար Գրիգոր Գրիգորյանի գլխավորությամբ:

Փաստի առթիվ նույն վաշտի հետաքննիչ Մհեր Հակոբյանի կողմից նյութեր են նախապատրաստվում: